احبك

احبك كثر ما ناظرت وشفت طيور
احبك كثر ملح مياه الارض وعذبه
احبك كثر ما بالبشر جبور وكسور
احبك كثر مريض احتار دواه وطبه
احبك كثر ما احترق وانقهر مقهور
احبك كثر طالب زم وحضن كتبه
احبك كثر ما سامحت وقلت معذور
احبك كثر بدوي طفى النار وشبه
احبك كثر ما ضحك واحد مسرور
احبك كثر الحزين لاتمنى تنفرج حبه
احبك كثر ما بالسنه ايام وشهور
احبك كثر الكلام في مدحه وسبه
احبك كثر عشق الهوى والهوى مشهور
احبك كثر الكذوب لاحكى وصدق الكذبه
احبك كثر العشب لا صار ممطور
احبك كثر وحيد عانى وشكى الغربه
احبك كثر ايام وليالي انطوت تدور
احبك كثر مسافر تاه وضاع دربه
احبك كثر ما بكى واحد مسحور
احبك كثر ما صاحت امه تبي قربه
احبك كثر انواع السمك داخل البحور
احبك كثر خاين باع ربعه وقلبه
احبك كثر ما بالشوراع اشارات ومرور
احبك كثر ما فرج الله كربه وكربه
احبك كثر مانارت دنيتي وانطفى نور
احبك كثر معتمر سعى وطاف بالكعبه
احبك كثر محاولاتي لفهم بعض الامور
احبك كثر الموت وعارف بتقول صعبه